Monday, July 30, 2007

Гурван хэмжээст дэлгэц


LG Electronics (http://www.lge.com) компаниас анхны гурван хэмжээст эзэлхүүнт обьектийг дүрслэх дэлгэцийг 42 инчийн 1920х1080 пикселийн нягтшил бүхий шингэн кристалл дэлгэц дээрээ тулгуурлан боловсруулжээ. Энэхүү технологийг худалдааны үйлчилгээний газруудад реклам зар сурталчилгааны зориулалтаар, гурван хэмжээст загварчлал, компьютерийн дизайн, компьютерийн болон видео тоглоомууд, бусад зориулалтаар ашиглах боломжтой. Гурван хэмжээст дүрслэлийг харахад тусгай нүдний шил зэрэг нэмэлт төхөөрөмж шаардлагагүй, дэлгэцийг бүрсэн тусгай гадаргуу дээр дүрслэлийг гаргах юм байна. Дүрслэлийн гүн нь 0.5 метр, 3 хүртэлх метрийн зайнаас зөв дүрсийг харах боломжтой. Эзэлхүүнт дүрслэлийг True3D Player (3D Contents Player), 3DS Max Rendering S/W програм хангамжууд болон Stereo to True3D хөрвүүлгийг ашиглан боловсруулжээ.

No comments: