Толь

Гангалж ядсан бүсгүй
Гаравч оровч тольдоно
Гаслах, цэнгэх завгүй
Босовч, суувч тольдоно
Ганцхан газар уяатай мэт
Толины өмнө эргэлдэнэ
Гавтай, тушаатай юм шиг
Тонгойж гэдийж зогсоно
Хүний нүүр харахаасаа
Хөвүүд залууст дурлахаасаа
Хүүлэн биедээ дурлана
Өөрөө өөртөө дурлаж
Өнгө царайгаа ширтсээр
Харцуул эргүүлд харин
Хайрлах зай гарсангүй
Нэг мэдэхэд он цаг шиг дарж
Нэвсийсэн цас шиг дарж
Торомгор тэр бүсгүйг
Толио тэврэн хөгшрөв
Хүний оронд ханилсан
Хүйтэн шилтэйгээ цуг
Сэргэлэн бие нь хөрөв
Сэтгэл санаа нь хөрөв
Нүүрийг нь тольдог толь
Нүглийг нь тольдож чадсангүй
Ганганыг хардаг толь
Ганц ч үг хэлсэнгүй... Бичсэн Toowka гэнэ